運動觀察，8月31日 - 運動激進化
一，手段不設限擴闊引起内鬨
即使同樣認同民眾訴求，但隨住爭取訴求既手段光譜擴闊，主要係向激進翼擴闊，會一定程度引起參與者內部相互既反感情緒，例如激進派覺得溫和派太保守，溫和派覺得激進派超越底線。如果對手段不設限，隨住一直向激進翼擴展，除咗會陷入愈激進愈支持既死循環，上述既相互反感情緒最終會發展至影響到內部團結既程度，而不割蓆不分化既原則將難以維持，並重演立法會選舉中激進溫和內鬨既情況。
二，決策由理性、公義向權力過渡
隨住運動參與者內部分成前線同後排，前線會因為較多參與到肢體衝突同面對法律責任而獲得較大話語權，甚至出現主張愈激進，就愈證明自己係前線既情況。呢種權力會取代理性及公義既考慮，而成為運動決策既主導，情況與歷史上武裝革命成功後軍人派主導政府類似。呢種向權力既過渡，首先會令運動失去反省同修正既能力，其次歷史經驗顯示往往會導致暴力，甚至傷亡無辜既情緒出現。
Search